BIR Voss Hardanger - skulen

BIR Voss Hardanger meiner det er viktig å gjera innbyggjarar i alle aldrar medvitne om kjeldesortering, gjenbruk, reparasjon og rett avfallshandtering.

Me har berre ein klode, med ei avgrensa mengd ressursar. Ved å leggja til rette for gode kjeldesorteringsvanar, har BIR Voss Hardanger eit ynske om at me saman skal ta vare på og nytta ressursane i avfallet på best mogleg måte. Opplæring og informasjon er nødvendig for å kunna oppnå dette. Difor har me laga eit skuleprogram, fyrst og fremst, retta mot 4. trinn i BIR Voss Hardanger sine kommunar. 

Før besøket

Det er ynskjeleg at elevane arbeider med emnet avfallshandtering, resirkulering og berekraft før besøket til BIR Voss Hardanger. Før besøket kan ein få gratis skulemateriell tilsendt i regi av Loop miljøskule , https://miljoskole.loop.no/ , med tema avfall, kjeldesortering og miljø. Alt vert sendt kostnadsfritt til skulen.

Omvisning hjå BIR Voss Hardanger

Elevane får omvisning på driftsområdet til gjenvinningsstasjonen. Her får dei blant anna sjå "omlasthallen", der boset vert lasta for vidare transport. Me tek òg ein tur over sorteringsrampen. Det har vist seg å ha god effekt å besøkja gjenvinningsstasjonen. Då får elevane eit forhold til dei store avfallsmengdene som vert skapt i regionen, og kva som skjer med desse. BIR Voss Hardanger vil syna fram presentasjon, i tillegg til eigenprodusert  film som viser vegen frå avfallet oppstår i heimen og kva som skjer med avfallet før det går vidare til gjenvinning. Elevane skal i tillegg få prøva seg på kjeldesortering i praksis.

Det vert lagt stor vekt på tryggleik fordi dette er eit industriområde. Alle elevar får utdelt gul vest før me går ut på området. 

Elevane må kle seg godt. Omvisninga er for det meste utandørs, sjølv på soldagar kan det vera kald.

Transportstøtte

BIR Voss Hardanger kan finansiera utlegg for transport frå skulen til BIR Voss Hardanger og attende. Skulen må sjølv tinga transport og syta for at rekninga vert send til BIR Voss Hardanger i ettertid. Ta fyrst kontakt med BIR Voss Hardanger før ein tingar skuleskyss. Skulebesøket er avgrensa til ein priode om våren og ein periode om hausten. 

For meir informasjon eller påmelding, ta kontakt på : Denne e-postadressen er beskyttet mot programmer som samler e-postadresser. Du må aktivere javaskript for å kunne se den. eller telefon 56 52 99 00

Velkomen på omvisning på Bjørkemoen!

 BIR Voss Hardanger  har inngått samarbeidsavtale med Kirkens Bymisjon på Voss om innhenting av avfall frå private.  

Har ein hatt opprydding i hus og heim eller ynskjer å bli kvitt hageavfallet sitt, men manglar nokon å køyra dette til gjenvinningsstasjonen, då kan ein ta kontakt med Kirkens Bymisjon Voss.

Kirkens Bymisjon har eit arbeidsretta lågterskeltilbod som heiter "I Jobb". Dette er ei arbeidstreningsprosjekt for folk som av ulike grunnar har falle utanfor den vanlege arbeidsmarknaden. Med "I Jobb" ynskjer ein at deltakarane får ein god og innhaldsrik kvardag. Kirkens Bymisjon er ansvarleg for at arbeidarane har gode rammer og rett utstyr for å utføra arbeidet. Kirkens Bymisjon er ansvarleg for utført arbeid, og vil gjera kvalitetskontroll og oppfylging under utføring av arbeidet.

Kirkens Bymisjon skal utføra desse tenestane for BIR Voss Hardanger  innanfor Voss herad og det skal ikkje krevjast meir pengar enn det kostar å utføra desse tenestene. Dei kan henta det aller meste, men ikkje det som definert som farleg avfall.

Ynskjer du å bestilla tenesta tar du kontakt direkte til Kirkens Bymisjon Voss på tlf 476 93 912 (måndag - fredag kl 08.00-15.30)